ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Татарстанда табиблар холестерин артуның нәселдән килү мөмкинлеген өйрәнә

29 гыйнвар 2019, 16:51

Генетик лабораториядә генның миокард инфарктына китерүче кимчелекләре өйрәнеләчәк.

(Казан, 29 гыйнвар, "Татар-информ", Гөлнар Гарифуллина). Татарстанда холестерин арту һәм атеросклероз нәселдән килү мөмкинлеге өйрәнелә. Бу проект турында бүген йомгаклау коллегиясе утырышында Татарстанның сәламәтлек саклау министры Марат Садыйков әйтте.

  • Гиперхолестеринемия – нәселдән килгән чир, геннардагы мутация канда холестерин күләме күпкә артуына китерә. Дәваланмаган очракта, мондый кешеләр яшьли атеросклероз, инфаркт һәм инсультларга дучар булырга мөмкин.

"2018 елда Идел буе федераль университеты һәм Казан дәүләт медицина университеты белән берлектә, эшләүче кешеләрдә һәм аларның гаилә әгъзаларында гаилә гиперхолистеринемиясен өйрәнү буенча профилактик проект гамәлгә ашырыла башлады", - диде министр.

Проект кысаларында холестерин арту һәм атеросклероз нәселдән килү мөмкинлеге өйрәнелә. "Фундаменталь медицина һәм биология институты базасында генетик лаборатория булдырылган, анда генның гиперлипидемияга һәм кан тамырлары зарарлануга, миокард инфарктына китерә торган кимчелекләре өйрәнеләчәк", - диде министр. Программада 500 өлкән кеше һәм 250 бала катнашачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10