ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Авыл

Татарстан Россия төбәкләре арасында йомырка җитештерү буенча лидерлар рәтенә керде

29 гыйнвар 2019, 12:06 , Фото: архив/Рамиль Гали

Татарстан Россия төбәкләре арасында йомырка җитештерү буенча лидерлар рәтенә керде Республика авыл хуҗалыгы оешмаларында йомырка җитештерү бер ел эчендә 22 процентка арткан.

(Казан, 29 гыйнвар, «Татар-информ»). Татарстан Россия төбәкләре арасында йомырка җитештерү буенча лидерлар рәтенә керде. Бу хакта «Татар-информ» агентлыгына ТР Авыл хуҗалыгы һәм азык-төлек министрлыгыннан хәбәр иттеләр.

Ведомствода искәртүләренчә, республиканың авыл хуҗалыгы оешмалары 2018 елда 1 миллиард 54 миллион данә йомырка җитештергән. «Бу 2017 елдагы күрсәткечтән 190 миллион данәгә, ягъни 22 процентка артык», - дип ачыклык кертте ТР Авыл хуҗалыгы һәм азык-төлек министрлыгының терлекчелек тармакларын үстерү бүлеге башлыгы Сирень Нигъмәтҗанов.

Аның сүзләренчә, узган елда Татарстан хуҗалыкларының барлык категорияләрендә 1 миллиард 386 миллион данәдән артык (2017 елда – 1 миллиард 187 миллион данә) йомырка җитештерелгән. Бу 2017 елдагы күрсәткечкә карата 116,8 процент тәшкил итә.

Россия Авыл хуҗалыгы министрлыгы мәгълүматларыннан күренгәнчә, 2018 елда илдә хуҗалыкларның барлык категорияләрендә дә йомырка җитештерү 61,55 миллион данәгә артып – 44,89 миллиардка, шул исәптән авыл хуҗалыгы оешмаларында, 251,5 миллион данәгә артып, 36,2 миллиардка җиткән. Татарстаннан тыш, авыл хуҗалыгы оешмаларында йомырка җитештерү буенча лидерлар бишлегенә Ярославль, Рязань, Әстерхан өлкәләре һәм Ставрополь крае кергән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10