ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Дин

Ренат Ибраһимов кече хаҗ – гомрә кылган

25 гыйнвар 2019, 12:41 , Фото: архив/Султан Исхаков

Ренат Ибраһимов кече хаҗ – гомрә кылган Җырчы барлык кешегә дә хаҗга барырга киңәш иткән.

(Казан, 25 гыйнвар, «Татар-информ», Зилә Мөбәрәкшина). Россиянең һәм Татарстанның халык артисты Ренат Ибраһимов Согуд Гарәбстанына кече хаҗ - гомрә кылырга барган. Бу хакта җырчы үзенең Инстаграм аккаунтында хәбәр итте.

“Яңа ел узуга гомрә кылырга бардым. Онытылмаслык хис-кичерешләр, барыгызга да хаҗга барырга киңәш итәм!” – дип язган Ренат Ибраһимов.

  • Хаҗ - исламның бишенче шарты. Ягъни, матди хәленнән килсә, мөселман кешенең гомерендә бер мәртәбә булса да Мәккәдәге изге йорты – Кәгъбәгә баруы фарыз.
  • Бу матди һәм физик мөмкинлекләре булган һәр мөселман гомерендә бер тапкыр Зөлһиҗҗә аенда Мәккәгә хаҗга барырга тиеш дигән сүз. Мәккә - мөселманнарның Гарәп ярымутравында урнашкан изге шәһәрләреннән иң әһәмиятлесе.
  • Гомрә – хаҗ кылу вакытыннан башка елның теләгән көнендә хаҗ кылу. Гомрә хаҗын гомердә бер тапкыр башкару сөннәт гамәл.
  • Гомрәнең гамәлләре өчәү: тәваф кылу (Кәгъбәтуллаһны 7 тапкыр әйләнеп чыгу), сәгый кылу (Сафа белән Мәрва таулары арасында 7 тапкыр үтү) һәм чәчне алдырып яисә кыскартып, ихрамнан чыгу. Олы хаҗда исә бу гамәлләрдән башка, Мина тарлавыгында булу, Гарафәттә тору, төнен Мөздәлифәдә куну, Минада яшәү, “шайтанга таш ату” йоласын үтәү, корбан чалу гамәлләре дә өстәлә.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10