ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Халык Илһам Шакиров белән хушлаша башлады

18 гыйнвар 2019, 09:31 , Фото: Рамиль Гали

Халык Илһам Шакиров белән хушлаша башлады Бөек җырчыбыз Илһам Шакировны озатуның рәсми өлеше 11.00 сәгатьтә башлана.

(Казан, 18 гыйнвар, "Татар-информ, Рузилә Мөхәммәтова). Бөек җырчысын Илһам Шакировны озатырга килгән халык театр бинасының ишекләре ачылганчы ук җыела башлады. Залда безнең хәбәрчеләребез дә бар.

Җәмәгатьчелек бөек җырчысын Муса Җәлил исемендәге Опера һәм балет театры сәхнәсеннән озата. Театр алдына да зур экран урнаштырылган.

Хәзерге вакытта халык Илһам Шакиров белән хушлаша. Бөек җырчының җәсәде куелган сәхнә яныннан өзлексез халык агымы үтә.

Залда Илһам Шакировның җырлары яңгырап тора.

Бөек җырчыбыз Илһам Шакировны озатуның рәсми өлеше 11.00 сәгатьтә башлана. 

Хушлашу мәрасимен "Татар-информ" онлайн күрсәтә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10