ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Хәвеф-хәтәр

Мәскәү аэропортында шартлаткыч турында ялган хәбәр өчен Татарстан кешесен тоткарлаганнар

14 гыйнвар 2019, 15:40

Хокук сакчылары аэровокзалларны җентекләп тикшергәч, шикле әйбер тапмаган.

(Казан, 14 гыйнвар, «Татар-информ»). Телефон террорчысын Мәскәүнең өч аэропортына «мина куйган» өчен тоткарлаганнар. Татарстан кешесе шул хакта ялган хәбәр биргән. Бу хакта «Татар-информ» агентлыгына Россия Эчке эшләр министрлыгының Үзәк Федераль округ буенча Транспорт идарәсе матбугат хезмәтеннән хәбәр иттеләр.

«Бүген иртән полициягә бер ир-ат шалтыратып, «Внуково», «Домодедово» һәм «Шереметьево» аэропортларында шартлаткыч җайланмалар урнаштырылуы хакында хәбәр итте», - дип белдерделәр ведомствода.

Хокук сакчылары аэровокзалларны җентекләп тикшерсә дә, бернинди шикле әйбер тапмаган.

Телефон террорчысының Татарстан кешесе икәнлеге «Татар-информ» агентлыгына үз чыганаклары аша билгеле булды. Хәзерге вакытта әлеге ир-ат тоткарланган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10