ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда дүрт автомобиль бәрелешендә Башкортстанда яшәүче хатын-кыз һәлак булган

13 гыйнвар 2019, 09:41

Алабуга районында юл-транспорт һәлакәтендә өч «Лада» һәм «Шкода Октавиа» бәрелешкән.

(Казан, 13 гыйнвар, «Татар-информ»). Татарстанның Алабуга районында массакүләм юл-транспорт һәлакәтендә бер хатын-кыз һәлак булган. Бу хакта Татарстан буенча Эчке эшләр министрлыгы матбугат хезмәтендә хәбәр иттеләр.

Мәскәү-Уфа трассасының 1120нче чакрымында дүрт автомобиль бәрелешкән.

Уфа ягыннан барган 12 модельле «Лада»ның 45 яшьлек йөртүчесе тизлекне дөрес сайламаган. Дистанция сакламыйча, алда барган14нче модельле «Лада» га килеп бәрелгән.

«Лада» арттан китереп бәрүгә, каршы як хәрәкәт юлына чыгып, Башкортстанда яшәүче 52 яшьлек егет йөрткән «Шкод Октавиа» га килеп бәрелә. Шуннан соң «Шкода»га арттан килүче, рульдә 45 яшьлек шофер булган 14нче модельле тагын бер «Лада» килеп бәрелә.

Һәлакәт нәтиҗәсендә 14нче «Лада»да барган Башкортстанда яшәүче 55 яшьлек хатын-кыз алган җәрәхәтләрдән үлгән, ә 33 яшьлек шофер Чаллы Ашыгыч медицина ярдәме хастаханәсенә озатылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10