ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Нурлатта янгын вакытында пенсионер хатынны коткарган студентларны бүләклиләр

11 гыйнвар 2019, 20:02

КНИТУ-КХТИның механика факультеты студентлары Динар Ханиев белән Нияз Вәлиуллин яна торган фатирдан 77 яшьлек әбине алып чыккан.

(Казан, 11 гыйнвар, «Татар-информ»). 14 гыйнварда Нурлат районы башлыгы Алмаз Әхмәтшин КНИТУ-КХТИның механика факультеты студентлары Динар Ханиев белән Нияз Вәлиуллинны янгында батырлык күрсәткән өчен бүләкләячәк. Бу хакта КНИТУ-КХТИ матбугат хезмәте хәбәр итә.

Узган елның 30 декабрендә, төн уртасыннан соң, Нурлат шәһәрендәге йортларның берсендә янгын чыккан. Яна торган фатирда 77 яшьлек пенсионер хатын-кыз калган. Динар белән Нияз ярдәм сорап кычкырганны ишеткән. Алар янгын сүндерүчеләрне көтмичә, ярдәмгә ашыккан. Янгынга һәм куе төтенгә карамастан, егетләр өлкән яшьтәге хатынны фатирдан алып чыккан.

Студентларны бүләкләү тантанасы шәһәр администрациясендә Нурлат районының барлык җитәкчеләре катнашында узачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10