ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда Кама-Су елгасын нефть продуктлары белән пычрату очрагын экологлар тикшерә

11 гыйнвар 2019, 17:15

Әлмәт районында елганың пычрануы турында экологларга биредә яшәүчеләр хәбәр иткән.

(Казан, 11 гыйнвар, «Татар-информ»). Татарстан экологлары Кама-Су елгасын һәм яр буен нефть продуктлары белән пычрату факты буенча берьюлы өч маддә буенча эш кузгаткан. Бу хакта Татарстан Экология һәм табигый ресурслар министрлыгы хәбәр итә.

Әлмәт районында яшәүчеләрдән министрлыкның кайнар элемтәсенә елганы пычрату турындагы хәбәр килгән. Вакыйга урынына Көньяк-Көнчыгыш территория идарәсе инспекторлары һәм лаборатория белгечләре килгән. Экологик хокук бозу Кама-Исмәгыйль авылы янында теркәлгән.

Подрядчы оешмаларның берсе торбаүткәргечләрне юдыртуы нәтиҗәсендә елга пычранган. 242 квадрат метр мәйданда нефть продуктлары һәм хлоридлар нормасы арткан. Елга суы үрнәгендә хлорид 3,2 тапкыр, ә нефть продуктлары 3,6 тапкыр артык булуы ачыкланган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10