ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Пенсия алды яшендәге гражданнарга һөнәри белем бирү программасы расланды

11 гыйнвар 2019, 08:39

Программа пенсия алды яшендәге гражданнарны дискриминацияләүгә юл куймый торган икътисади, социаль шартлар тудырырга ярдәм итәчәк.

(Казан, 11 гыйнвар, "Татар-информ"). 2024 елга кадәрге чорга пенсия алды яшендәге гражданнарга һөнәри һәм өстәмә һөнәри белем бирү буенча махсус программа, шулай ук мондый укуларны оештыру планы РФ Хөкүмәте карары белән расланды. Бу турыда Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итте.

Программа пенсия алды яшендәге гражданнарны дискриминацияләүгә юл куймый торган икътисади, социаль шартлар тудырырга, аларның хезмәт эшчәнлеген элеккеге, шулай ук һөнәри күнекмәләр һәм физик мөмкинлекләре нигезендә яңа эш урыннарында дәвам итәргә ярдәм итәргә тиеш.

Программада катнашучылар - пенсия алды яшендәге гражданнар. Хөкүмәт документында бу категориягә гражданнарның картлык буенча, шул исәптән вакытыннан алда билгеләнә торган иминият пенсиясен алу хокукы бирә торган яшь җитәргә 5 елдан артык булмаган кешеләр керә дип аныклана.

Программа координаторы буларак, Россия Федерациясе Хезмәт һәм социаль яклау министрлыгы программаны гамәлгә ашыру буенча РФ субъектлары дәүләт хакимияте органнарына типлаштырылган тәкъдимнәр әзерли.

Программаны тормышка ашыру нәтиҗәлелегенең төп күрсәткече булып һөнәри белем алган яки өстәмә һөнәри белем алган, пенсия алды яшендәге хезмәткәрләр саны 85% тан да ким булмаска тиеш.

Ел саен, 2019 елдан башлап, һөнәри һәм өстәмә һөнәри белем бирү чаралары белән пенсия яшендәге кимендә 75 мең граждан тәэмин ителәчәк. 2024 ел ахырына 450 меңнән дә ким булмаган кеше белем алыр дип көтелә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10