ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Җәмгыять

Яңа ел бәйрәмнәрендә Әлмәт урамнарыннан 30 мең кубометр чүп чыгарылган

11 гыйнвар 2019, 01:00

Әлмәт автомобиль юллар идарәсе хезмәткәрләре махсус техника ярдәмендә шәһәр урамнарын 6 000 кубометр кардан чистарткан.

(Әлмәт, 11 гыйнвар, "Татар-информ", "Әлмәт таңнары"). Яңа ел бәйрәмнәре вакытында Әлмәт коммуналь хезмәтләре йорт яны территорияләреннән 10 000 һәм бункер мәйданчыкларыннан 5 мең кубометр көнкүреш калдыгы чыгарган. Бу турыда җирле басма хәбәр итә.

Шулай ук "Экосервис” компаниясе хезмәткәрләре тагын 20 000 кубометр коммуналь калдыкларны җыя. Бәйрәм көннәрендә алар тәүлек әйләнәсе эшләде. Биредә 50 берәмлек махсус техника һәм предприятиенең 82 хезмәткәре катнашты. Алга таба җыелган чүп-чар экологик яктан куркынычсыз булган эшкәртү узачак.

Моннан тыш, бәйрәм көннәрендә идарәче компанияләрнең хезмәткәрләре тарафыннан 216 күпфатирлы йортның түбәсе кардан һәм боздан чистартылган һәм 560 ишегалдыннан 109 кубометр кар чыгарылган. Әлмәт автомобиль юллар идарәсе хезмәткәрләре махсус техника ярдәмендә шәһәр урамнарын 6 000 кубометр кардан чистарткан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10