ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Минзәлә районы Иркәнәш авылында Яңа ел бәйрәме иганәчеләр ярдәме белән узды

8 гыйнвар 2019, 00:00 , Фото: menzela.ru/news/yanalyklar-yomgagy/irknsht-yaa-el-byrme-sponsorlarny-aktiv-yardme-beln-tkrelde

Минзәлә районы Иркәнәш авылында Яңа ел бәйрәме иганәчеләр ярдәме белән узды Яңа ел чараларында актив катнашучыларга дуңгыз бүләк иттеләр.

(Минзәлә, 8 гыйнвар, "Татар-информ", "Минзәлә" ). Минзәлә районы Иркәнәш авылы мәдәният йортында Яңа елны каршы алу бәйрәме үткәрелде. Бу турыда район басмасы яза.

Бәйрәмне Иркәнәш авыл җирлеге башлыгы Илгизәр Камалов һәм Иркәнәш авыл җирлеге башкарма комитеты секретаре Ләйлә Кәбирова ачып җибәрделәр. Иске елга йомгак ясап, Тукай урамында яшәүче Рәмилә һәм Илгиз Шәкүровлар гаиләсен ел саен үз өйләре янында шундый матур Яңа ел сыннары ясаулары белән һәм авыл жирлеге оештырган чараларда актив катнашучыларга грамота тапшырды. Шулай ук Илгизәр Камалов узеннән Яңа ел бүләге итеп дуңгыз баласын бүләк итте. 

Бәйрәм төрле уеннар, тамашалар, концерт программасы, лотерея уены белән чиратлашып узды. Кыш бабай Кар кызы һәм Яна 2019 ел белән килеп җитеп, узләренең тамашасын күрсәтеп, бәйрәм белән котладылар.

Ә балалар Кыш бабай белән Кар кызына шигырьләр сөйләделәр. Кыш бабай һәркайсына капчыгыннан бүләкләрен өләште һәм матур теләкләр теләп икенче авылдагы бәйрәмгә ашыгып китеп тә бардылар.

"Авыл халкы бәйрәмдә катнашкан артистларга, бәйрәм үткәрү өчен булышкан иганәчеләргә рәхмәтләрен белдерә", - диде Иркәнәш мәдәният йорты мөдире Люция Фәйдрова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10