ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Җәмгыять

Яңа канун буенча, 2019 елдан урманнарда чыбык-чабыкны бушлай һәм рөхсәтсез җыярга ярый

7 гыйнвар 2019, 11:34

Моңа кадәр урманнарда ауган агачларны рөхсәтсез һәм бушлай җыярга ярамый иде.

(Казан, 7 гыйнвар, «Татар-информ»). 2019 елның 1 гыйнварыннан урманнарда җитдә яткан чыбык-чабыкны бушлай һәм рөхсәтсез җыю мөмкинлеге биргән яңа закон үз көченә керде. Моңа кадәр урманнарда аунап яткан агачларны рөхсәтсез җыярга ярамый, ә рөхсәт алу күп вакыт таләп итә иде.

Хәзер РФ Урман кодексына кертелгән төзәтмәләр буенча, ауган агачлар, куаклар, һава шартлары яки башка табигый сәбәпләр нәтиҗәсендә зыян күргән агачлар урман ресурсы булып саналмый, шуңа аларны шәхси хуҗалык өчен бушлай җыярга һәм кулланырга рөхсәт ителә.

  • Законны РФ Дәүләт Думасы һәм федераль кануннарга яраклаштырып, 2018 ел азагында ТР Дәүләт Советы да кабул итте. Яңа кагыйдәләр арендага алынмаган урман участокларына гына кагыла. 

Чыбык-чабыкка җиргә төшкән каен тузы, чыршы, нарат, ак чыршы ботаклары, мүк, камыш керә. Корыган, әмма аумаган агачлар чыбык-чабык дип саналмый һәм аларны җыю тыела.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10