ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Россиядә бензин сыйфатын контрольдә тотучы яңа система кертелә

6 гыйнвар 2019, 11:22 , Фото: архив/Ильнар Тухбатов

Россиядә бензин сыйфатын контрольдә тотучы яңа система кертелә Система сыйфатсыз продукциянең нефть базасында, транспортлау вакытында яки автозаправка станцияләрендә кушулуын күрсәтәчәк.

(Казан, 6 гыйнвар, "Татар-информ"). Россиядә нефть эшкәртү заводыннан алып бензин багына кадәр ягулык сыйфатын контрольдә тоту системасы барлыкка килергә мөмкин. Шул уңайдан хөкүмәт планнары турында Россия Сәнәгать һәм сәүдә министры Денис Мантуров хәбәр итә. Бу хакта "Российская газета" яза.

Сынау проектын 2019 елның беренче яртысында Төньяк-Көнбатыш федераль округында эшләтеп карыйлар.

Экспертлар бензинның күләмен һәм сыйфатын күзәтәчәк. Мисал өчен, әгәр нефть эшкәртү заводыннан 100 тонна ягулык киткән икән, бензин бакларына да шулкадәр үк салынырга тиеш. Бу күләм туры килмәгән очракта хокук бозылган дигән сүз. Ялган бензин ясау ысулларының берсе – сыйфатлы продуктка мини-нефть эшкәртү заводларыннан үзләре ясаган ягулыкны кушу. Заправкага бу “катнашма” дөрес документлар белән килә.

Система сыйфатсыз продукциянең  нефть базасында, транспортлау вакытында яки автозаправка станцияләрендә кушулуын күрсәтәчәк.

Бу контроль системасын булдыру инициативасын бензин сатучылар үзләре тәкъдим иткән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10