ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Казанда Мубай концерты аншлаг белән узды

5 гыйнвар 2019, 22:06 , Фото: Александр Эшкинин

Казанда Мубай концерты аншлаг белән узды Концертның премьерасы - җырчының композитор Эльмир Низамов белән уртак композицияләре.

Казан, 5 гыйнвар, "Татар-информ", Рузилә Мөхәммәтова). "Мир" кинотеатрында аншлаг белән Мубай концерты узды.

Мубай исеме белән чыгыш ясаучы Илдар Мөбәрәкшин концертын үз рпертуарындагы таныш җырлардан башлады. "Урманнарга кердем", "Хәмдиякәй" кебек халык җырларын, "Укытучыма", "Эзләдем, бәгърем, сине" кебек авторлар җырлары яңгырады.

Алга таба, премьера буларак, җырчының композитор Эльмир Низамов белән уртак композицияләре тәкъдим ителде. Тамашачы гитара белән күрергә өйрәнгән Мубай цифрлы фортепианога кушылып, Эльмир Низамов җырларын башкарды.

Үзенчәлекле стиле булган, татар альтернатив музыкасының нигезендә торган Мубай концертларын бик сирәк бирә. Җырчының үз тамашачысы бар. Концертка дип килүчеләрнең бер өлеше билет җитмичә залга керә алмыйча калдылар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10