ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Хәвеф-хәтәр

Һава торышы начарлану сәбәпле, юлларда автобус һәм йөк машиналары хәрәкәте чикләнде

5 гыйнвар 2019, 17:00 , Фото: архив

Һава торышы начарлану сәбәпле, юлларда автобус һәм йөк машиналары хәрәкәте чикләнде
 
Шәһәрара автобуслар һәм йөк машиналары хәрәкәте 5 гыйнварда 17.00 сәгатьтән чикләнә.

(Казан, 5 гыйнвар, “Татар-информ”). Һава торышы начарлау сәбәпле, Татарстан юлларында автобус һәм йөк машиналары хәрәкәте чикләнде. Бу хакта республика дәүләт автоинспекциясендә хәбәр иттеләр.

Бүген кич 17.00 сәгатьтән шәһәрара автобуслар һәм йөк машиналары хәрәкәте чикләнә.

Татарстан Юл хәрәкәте иминлеге инспекциясе синоптикларга сылтама белән көчле кар, күз күреме начар, юлларда кар көртләре булуын, җилнең тизлеге секундына 15 метрга кадәр җитүе мөмкин икәнлеген искәртә.

“Республика дәүләт автоинспекциясе машина йөртүчеләргә торак пунктлардан читкә чыкмаска, юлларда бик сак булырга һәм юл-транспорт кагыйдәләрен сакларга киңәш итә”, - диелгән хәбәрдә.

Куркынычсыз хәрәкәт тизлеген, хәтта рөхсәт ителгәннән дә түбәнне сайларга кирәк. Куркыныч тудыручы маневрлар ясамаска – каршы як хәрәкәт юлына чыкмаска, куркынычсызлык каешын эләктерергә, балаларны кагыйдәләр буенча йөртергә кирәклеге искәртелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10