ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Медведев Россиянең иң яхшы укытучыларына премия бирү буенча бәйге кагыйдәләрен раслады

4 гыйнвар 2019, 17:45

Бәйгедә педагогик эшчәнлек стажы өч елдан да ким булмаган укытучылар катнаша ала.

(Казан, 4 гыйнвар, «Татар-информ»). Россия Премьер-министры Дмитрий Медведев иң яхшы укытучыларга премияләр бирү буенча конкурс үткәрү кагыйдәләрен раслый торган карарга кул куйды. Бу хакта РИА Новости агентлыгы РФ Хөкүмәте матбугат хезмәтенә сылтама ясап хәбәр итә.

«Иң яхшы укытучыларга премияләр бирү буенча конкурс үткәрү, шулай ук премия бирү кагыйдәләре һәм аларны түләүнең тәртибе расланды. Бәйгедә педагогик эшчәнлек стажы өч елдан да ким булмаган, башлангыч гомуми, төп гомуми һәм урта гомуми белем бирү программаларын гамәлгә ашыручы оешмаларның укытучылары катнаша ала», - диелә хәбәрдә.

Мөгаллимнәрне конкурста катнашуга белем бирү оешмасының коллегиаль идарә органы тәкъдим итәчәк.

Бәйге катнашучыларның рейтингы нигезендә була. Конкурс җиңүчеләрне билгеләү процедурасы өчен җавап бирүче комиссия оештырылачак төбәкләрдә үткәрелер дип көтелә.

Педагогик эшчәнлектәге казанышлары өчен иң яхшы укытучыларга бирелә торган премияләргә салым салынмаячак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10