ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять

Кайбыч районы эшмәкәре "Алтын йөзлек" бәйгесендә җиңү яулады

4 гыйнвар 2019, 07:00

Казан шәһәренең Эшмәкәрләр йортында ел саен уздырылучы "Алтын йөзлек" республика конкурсы җиңүчеләрен бүләкләделәр.

(Кайбыч, 4 гыйнвар, "Татар-информ", "Кайбыч таңнары", Лейсан Саттарова). Олы Кайбычтан эшмәкәр Тимур Яруллин "Алтын йөзлек" бәйгенең "Авыл хуҗалыгы" номинациясендә җиңүче булды. Тимурга бүләкне – диплом һәм алтын билгене Татарстан Республикасы авыл хуҗалыгы һәм азык-төлек министры урынбасары Ришат Хәбипов тапшырган. Бу турыда район басмасы хәбәр итә.

Казан шәһәренең Эшмәкәрләр йортында ел саен уздырылучы "Алтын йөзлек" республика конкурсы җиңүчеләрен бүләкләделәр.

"Алтын йөзлек" бәйгесе Татарстан Икътисад министрлыгы тарафыннан 2013 елдан бирле үткәрелә һәм Татарстанда бизнесны үстерүгә, эшкуарлык эшчәнлегенең абруен һәм җәмгыятьтәге эшкуар статусын күтәрүгә ярдәм итүгә юнәлдерелгән. Анда дәүләт теркәве узган һәм Татарстан Республикасы территориясендә ике елдан да ким булмаган хуҗалык эшчәнлеген гамәлгә ашыручы кече һәм урта эшкуарлык эшмәкәрләре катнаша.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10