ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Россия халкының Яңа елдан соң өстәмә ял көннәре барлыкка килде

2 гыйнвар 2019, 13:22

Эш бирүчеләр хезмәткәрләрен диспансеризация үтәргә җибәрергә һәм ул көн өчен түләргә тиеш.

(Казан, 2 гыйнвар, “Татар-информ”). Россия халкының Яңа елдан соң өстәмә ял көннәре барлыкка килде. Эш бирүчеләр хезмәткәрләрен диспансеризация үтәргә җибәрергә һәм ул көн өчен түләргә тиеш. 2019 елның 1 гыйнварыннан гамәлгә керәчәк карар Хезмәт Кодексына төзәтмәләрдә теркәлгән. Бу хакта “Российская газета” хәбәр итә.

Анда өч елга бер көн эш бирүче хисабыннан диспансеризация үтү өчен каралган. Ә пенсия алды яшендәге кешеләр өчен ул бер түгел, ә ике көн һәм өч елга бер тапкыр түгел, һәр елны булачак.

Әлеге хокуктан файдалану өчен хезмәткәргә эш бирүче исеменә гариза язарга кирәк була.

Хезмәт Кодексына төзәтмәләр эшләүче кешеләрнең диспансеризация үтү мөмкинлеге артсын өчен каралган.

Әлеге закон үз көченә кергәнчегә кадәр мәҗбүри медицина күзәтүе бары мәгариф, сәламәтлек саклау, сәүдә, азык-төлек сәнәгате һәм хезмәтләре куркыныч булган хезмәткәрләргә генә кагыла иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10