ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Кариев театрының баш режиссерына Фатыйма Ильская шкатулкасын бүләк иттеләр

22 декабрь 2018, 21:03 , Фото: Владимир Васильев

Кариев театрының баш режиссерына Фатыйма Ильская шкатулкасын бүләк иттеләр Нәни сандык Равил Шәрәфиев коллекциясендә сакланган.

(Казан, 22 декабрь, «Татар-информ», Рузилә Мөхәммәтова). Кариев театрының баш режиссеры Ренат Әюповка Фатыйма Ильскаяның шкатулка-сандыгын бүләк иттеләр. Бүген шкатулканы Кариев театрының 30 еллык юбилее тантанасында Татарстанның һәм Россиянең халык артисты Равил Шәрәфиев тапшырды.

Әлеге нәни сандык Равил Шәрәфиев коллекциясендә сакланган. Камал театрының күренекле актеры Ренат Әюповның сандыклар коллекциясе турында ишеткән һәм шуңа күрә легендар татар актрисасының истәлеге булып калган шкатулканы бүләк итергә булган.

Равил Шәрәфиев театрны сәхнәдән юбилее белән котлаганда Ренат Әюповның “Супер кияү” спектаклен мактады. “Туфан Миңнуллинның “Алты кызга бер кияү” пьесасы безнең Камал театрында да куелды, әмма сезнеке яхшырак, җитдиерәк”, - диде ул.

Бүген – татар театрының рәсми танылган туган көнендә – Кариев театры үзенең 30 еллык юбилеен бәйрәм итте. Коллектив үзенең яңа сәхнәсеннән рәсми һәм коллегаларының котлауларын кабул итте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10