ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Татарстан студентларының хезмәт отрядлары хәрәкәтнең 55 еллыгын билгеләп үттеләр

18 декабрь 2018, 18:13 , Фото: Михаил Захаров

Татарстан студентларының хезмәт отрядлары хәрәкәтнең 55 еллыгын билгеләп үттеләр Республика яшьләренең хезмәт хәрәкәте 10 меңнән артык кешене берләштерә.

(Казан, 18 декабрь, "Татар-информ", Наталья Рыбакова). Татарстан студентлары республиканың яшь шәһәрләре һәм шәһәр барлыкка китерүче предприятиеләре төзелешенә зур өлеш керттеләр. Студентлар отрядларында катнашучылар бергә эшләү вакытында таныштылар, яңа дуслар таптылар, гаилә кордылар. Быел студентлар хезмәт хәрәкәтенә 55 яшь тулды. Бүген Казан ратушасында әлеге датага багышланган тантаналы утырыш узды.

Бүгенге көндә төбәктә студентларның хезмәт отрядлары хәрәкәте яңадан торгызылган һәм актив рәвештә үсә. Татарстаннан 10 меңнән артык студент ел саен төзелешләрдә, ашханәләрдә эшли, проводниклар, әйдаманнар, шәфкать туташлары булып эшли. Җәйге хезмәт практикасы яшь кешеләр өчен чын тормыш мәктәбенә әверелә. Ул һөнәр үзләштерергә, сәләт табарга ярдәм итә.

"Студентлар отрядлары - үзенчәлекле рух, аерым энергия, тормышка уңай мөнәсәбәт. Сез бергә эшлисез, тормышны өйрәнәсез, дуслыкка өйрәнәсез. Бу - үзенчәлекле элемтә, ул буыннан-буынга тапшырыла. Республикада студентлар хезмәт отрядлары оешты, алар династия характерында", — дип билгеләп үтте Татарстан Республикасы Премьер-министры урынбасары, Татарстанда Студентлар отрядлары эшчәнлеген үстерү мәсьәләләре буенча ведомствоара координацияләү советы рәисе Ләйлә Фазлыева.

Чарада катнашучыларны, төзелеш отрядлары ветераннарын һәм партнерларын бүләкләү тантанасы булды. Аларга Рәхмәт хатлары, Мактау грамоталары һәм акчалата сертификатлар тапшырылды. Очрашуда катнашучылар "Елның студентлар хезмәт отряды" республика конкурсына йомгак ясадылар. Хезмәт сезоны - 2018нең иң яхшы командирлары, комиссарлары, муниципаль районнары, мәгариф учреждениеләре һәм студентлар отрядлары игълан ителде.

"Чын күңелдән Студентлар отрядлары хәрәкәтенең 55 еллыгы белән котлыйм. Шуны билгеләп үтәсем килә, республикада Студентлар отрядлары хәрәкәте ярдәмендә күп гаиләләр барлыкка килде. Төбәктә демографик хәл алга таба да яхшырсын иде», — диде ТР Дәүләт Советының Социаль сәясәт комитеты рәисе Светлана Захарова, яшьләргә мөрәҗәгать итеп.

Яшьләр хәрәкәтендә катнашучыларны бәйрәм белән Яшьләр эшләре министры Дамир Фәттахов та котлады. Ул билгеләп үткәнчә, яшь буынның төп бурычы - ярты гасырлык хәрәкәтнең иң яхшы традицияләрен саклап калу. Студентлар күмәк һәм тырыш хезмәтләре нәтиҗәсендә әлеге данлыклы тарихка үз исемнәрен кертә алачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10