ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Мәдәният

Рәшит Кәлимуллин татар композиторларының әсәрләрен цифрлаштырырга кирәклеген әйтте

17 декабрь 2018, 15:13

"Без казанышларыбыз белән горурлана торган халык, әмма бу юнәлештә без артта калганбыз", - ди композитор.

(Казан, 17 декабрь, "Татар-информ", Зилә Мөбәрәкшина). Татарстанның Композиторлар союзы рәисе Рәшит Кәлимуллин Татарстандагы алтын фондка кергән композиторларның әсәрләрен цифрлаштыру тәкъдимен "Казан" милли-мәдәни үзәгендә узган "Татарстан - яңа гасыр" дип исемлəнгəн Республика иҗтимагый хəрəкəтенең Югары киңәшмәсе утырышында күтәрде.

"Бүгенге көндә татар музыкаль мәдәниятенең алтын фондына кергән композиторларның әсәрләре бар. Безгә әлеге әсәрләрне цифрлаштырырга кирәк", - диде Рәшит Кәлимуллин.

"Композиторларның партитуралары да яхшы хәлдә түгел. Мәсәлән, без Берлинда концерт куйган идек. Германия симфоник оркестры татар композиторларының әсәрләрен уйнады. Бервакыт, скрипкачы торып басып: "Мин бу партитурадан уйный алмыйм, ул бик таушалган, мескен хәлдә", - диде. Яңадан күчереп язарга бирергә туры килде", - ди Рәшит Кәлимуллин.

"Без казанышларыбыз белән горурлана торган халык, әмма бу юнәлештә без бик артта калганбыз. Безгə бу эшне мөмкин кадəр тизрəк күтəрергə кирəк. Без килəчəк буын өчен дә җаваплы", - диде Рәшит Кәлимуллин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10