ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Автобуста кулын сындырган Чаллы кешесе суд аша 30 мең сум акча алган

12 декабрь 2018, 14:19

Дәгъва гаризасында хатын-кыз 100 мең сум күрсәткән булган, суд аны өлешчә канәгатьләндергән.

(Казан, 12 декабрь, “Татар-информ”). Чаллыда яшәүче хатын-кыз автобуста барганда кулын сындырган. Шуның өчен ул “Электротранспорт” оешмасыннан суд аша 30 мең сум акча алган. Бу хакта Чаллы шәһәр суды рәсми сайтында хәбәр ителә.

Әлеге хәл шәһәрдә быел февраль аенда килеп чыккан. Тикшерү ачыклаганча, “НЕФАЗ” автобусын йөртүче шофер кисәк кенә куркыныч маневр ясаган. Ә пассажир хатын-кыз тотынып кала алмаган һәм егылып кулын сындырган.

Зыян күрүче судка мөрәҗәгать иткән. Ул “Электротранспорт” оешмасыннан(автобус аларныкы) әхлакый зыян өчен 100 мең сум күләмендә компенсация таләп иткән. 

Суд дәгъваны өлешчә канәгатьләндергән. “Электротранспорт” оешмасына зыян күрүчегә 30 мең сум түләргә тиеш була.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10