ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Татарстан басма матбугат чаралары Башкортстанда Worldskills төбәк чемпионатында катнашачак

11 декабрь 2018, 17:11

«Яшь профессионаллар» (WorldSkills Russia) IV төбәк чемпионаты Башкортстанда 12-17 декабрьдә узачак.

(Казан, 11 декабрь, "Татар-информ"). "Матбугатта басма технологияләр" компетенциясе буенча Worldskills Татарстан төбәк чемпионаты җиңүчесе, КНИТУ-КХТИ студенты Элеонора Агеева Башкортстанның төбәк чемпионатында Татарстанны тәкъдим итәчәк. Бу хакта чемпионатның матбугат хезмәте хәбәр итә.

Шулай ук Башкортстан Республикасына Worldskills хәрәкәтенең "матбугатта басма технологияләр" компетенциясе буенча бердәнбер сертификацияләнгән эксперты, Татарстанның "Идел-пресс" полиграфиясенең баш технологы Светлана Кинтас юл тотты.

"РФдә Worldskills хәрәкәтен тиз үстерү нәтиҗәсендә яшь басмачыларның һөнәри осталык буенча ярышларга күрше төбәкләргә чыгу мөмкинлеге барлыкка килүе бик шәп. Хәзер Татарстан җитәкчелеге ярдәме белән һәм Worldskills хәрәкәтен үстерү нәтиҗәсендә илдә, ким дигәндә, икенче ел рәттән безнең яшь полиграфистлар үз төбәге кысаларында да, башка төбәкләрдән дә катнашучылар белән ярыша ала. Быел Башкортстанда төбәк чемпионатында зачеттан тыш Мәскәү һәм Татарстан җиңүчеләре катнашачак», - дип уртаклашты Кинтас.

«Яшь профессионаллар» (WorldSkillsRussia) IV төбәк чемпионаты Башкортстанда 12-17 декабрьдә узачак. Чемпионат республика шәһәрләре һәм районнарыннан сайлап алу этапларында җиңүчеләрне берләштерәчәк.

Чемпионатның төп мәйданы Уфа ВДНХ-Экспо булачак, тагын ике мәйданчык Стәрлетамакта оештырылачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10