ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Икътисад

2018 елда татарстанлылар 140 миллион сум күләмендә торак кадастр бәясе белән килешмәгән

10 декабрь 2018, 09:25

Ел башыннан Дәүләт теркәве, кадастр һәм картография федераль хезмәтенең ТР буенча идарәсе каршындагы махсус комиссиягә 1000нән артык гариза килгән.

(Казан, 10 декабрь, «Татар-информ», Екатерина Фадеева). 2018 елда татарстанлылар 140 миллион сум күләмендә торак кадастр бәясе белән килешмәгән. Дәүләт теркәве, кадастр һәм картография федераль хезмәтенең ТР буенча идарәсе җитәкчесе урынбасары Артем Костин «Татар-информ» агентлыгына биргән интервьюсында шулай дип белдерде.

«2018 елда күчемсез милек объектларының кадастр бәясе 140 миллион сумга диярлек кимегән», - дип искәртте Артем Костин.

Ел башыннан алып Дәүләт теркәве, кадастр һәм картография федераль хезмәтенең ТР буенча идарәсе каршындагы махсус комиссиягә 1000нән артык гариза килгән. Комиссия шуларның 200дән артыгын караган, ә калганнары, гариза бирүчеләр гамәлдәге закон кысаларында карау өчен кирәкле документларның тулы булмаган комплектын тапшырганлыктан, кире кагылган, дип хәбәр итте ул.

Аның сүзләренчә, егермегә якын гариза аларны тапшыручылар файдасына яңадан каралган.

 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10