ҺАВА ТОРЫШЫ -15 oC

Яңалыклар

барлык хәбәрләр Татарстан Россия

Җәмгыять

Татарстанның федераль юлларын кардан чистартуда 105 махсус машина эшли

7 декабрь 2018, 20:55

М7 трассасын 60 машина чистарта.

(Казан, 7 декабрь, “Татар-информ”). Татарстанның федераль юлларын кардан чистарту өчен 105 машина чыгарылган. Бу хакта “Идел-Нократ автоюлы идарәсе” матбугат хезмәте хәбәр итә.

М7 юлының хәрәкәт итү өлешен һәм юл читләрен кардан арындыру өчен 60 машина, Р – 239 Казан – Оренбург трассасында 23 техника эшли. Р – 241 Казан – Буа – Ульяновск юлын 13 машина, А – 295 Йошкар-Ола – Яшел Үзән юлын 8 техника чистарта.

“Фаразлар буенча, 8 декабрьгә каршы төндә Татарстанда, Чувашиядә, Марий Элда, Ульяновск өлкәсендә һава торышы бозылачак. Кар явачак, җил көчәячәк. Юлларда бозлавык барлыкка килергә мөмкин”, - диелә матбугат хезмәте хәбәрендә.

Федераль юлларда авыр хәлләр килеп чыккан очракта шоферлар “Идел-Нократ автоюлы идарәсенең” тәүлек әйләнәсе эшли торган диспетчер хезмәтенә шалтырата ала. Телефон номеры: 8 (843) 273-54-08.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10