ҺАВА ТОРЫШЫ -15 oC

Яңалыклар

барлык хәбәрләр Татарстан Россия
×

Җәмгыять

20 декабрьдән Татарстанда салютлар һәм фейерверклар куллану тыелачак

7 декабрь 2018, 17:53

Республикада пиротехниканы бары тик махсус урыннарда гына кулланырга рөхсәт ителәчәк.

(Казан, 7 декабрь, “Татар-информ”). Татарстан Республикасы Премьер-министры Алексей Песошин республика территориясендә янгынга каршы режим булдыру турында Министрлар Кабинеты карарын имзалады.

Документта 2018 елның 20 декабреннән 2019 елның 9 гыйнварына кадәр Татарстанда янгынга каршы режим кертелүе әйтелгән. Бу вакытта беренче-өченче класслы куркынычка ия булган пиротехника куллану тыелачак. Боларга фейерверклар, салкын ут фонтаннары, петарда һәм салют батареялары керә. Бенгаль утларына һәм хлопушкаларга гына искәрмә ясала.

Пиротехниканы сәнәгать объектлары, транспорт инфраструктурасы һәм ягулык-энергетика комплекслары чигеннән 500 метр ераклыкта куллану тыелачак. Шулай ук торак йорт ишегалларында һәм йорт яны территориясендә, авыл хуҗалыгы объектлары янында, халык күпләп җыела торган урыннарда, шулай ук машина юлларыннан 50 метр читтә фейрверк аттыру тыела.

20 декабрьгә республиканың һәр торак пунктында да пиротехника куллану өчен махсус мәйданчыклар булдырылачак.

  • Яңа ел бәйрәмнәре алдыннан Татарстанның гадәттән тыш хәлләр министрлыгы пиротехника буенча рейдка чыгачак. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10