ҺАВА ТОРЫШЫ -15 oC

Яңалыклар

барлык хәбәрләр Татарстан Россия

Татар дөньясы

Пермьдә "Татар кызы"н сайлыйлар

7 декабрь 2018, 20:10

Конкурста шул җирлектә яшәүче 12 яшьтән зуррак кызлар катнашачак.
(Казан, 7 декабрь, "Татар-информ"). 15 декабрь көнне Пермь краеның Октябрьский бистәсендә "Татар кызы-2018" бәйгесе узачак. Бу хакта җирле татар яшьләренең "Чәкчәк" оешмасы хәбәр итә. 
 
Бәйгедә туташлар үзләренең җыр-биюгә сәләтләрен, татар милли гореф-гадәтләрен ни дәрәҗәдә белүләрен күрсәтә алачак. Конкурста Октябрьский районында яшәүче кызлар катнашыр дип көтелә. 
 
Кызларга ике яшь категориясенә бүлеп бәя бирәчәкләр. Беренче төркемдә 12-16 яшьлекләр ярышса, икенче төркемдә 17 яшьтән өлкәнрәкләр ярышачак. 
 
Кызларның татарча яхшы белүе, сәхнәдә үзләрен тота алуы һәм актерлык сәләте булуы мөһим. Конкурста милли костюмнардан чыгыш ясау шарт итеп куела. 
 
Бәйгедә "Татар кызы"ннан тыш, "Милли традицияләрдә тәрбияләнгән кыз", Иң тырыш кыз", "Иң талантлы кыз", "Иң матур сәхнә образы өчен" номинацияләрендә җиңүчеләр дә бүләкләнәчәк. 
 
 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10