ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Җәмгыять

Татарстанда 3 июньдә аналог телевидениесе эшләүдән туктаячак

6 декабрь 2018, 12:13 , Фото: архив/Султан Исхаков

Татарстанда 3 июньдә аналог телевидениесе эшләүдән туктаячак Казанда цифрлы телевидениегә күчү хакында фикер алышачаклар.

(Казан, 6 декабрь, «Татар-информ», Диана Авакян). Татарстанда 3 июньдә аналог телевидениесе эшләүдән туктаячак. Бу хакта «Татар-информ» агентлыгына Россия телевизион һәм радиотапшырулар челтәренең филиалы - «Татарстан Республикасы радиотелевизион тапшырулар үзәге» директоры Владимир Якимов хәбәр итте.

«Безгә 3 июньдә республикада аналог телевидениесе эшләүдән туктаячак дип әйттеләр. Төбәк телеканалларына килгәндә, операторлар үз язмышын үзләре билгеләячәк», - диде ул.

Бүген Казанда Россиядә цифрлы телевидениегә күчү мәсьәләсенә багышланган киңәшмә уза. Фикер алышуда Федерация Советының Икътисади сәясәт комитеты рәисе Дмитрий Мезенцев һәм Россия цифрлы үсеш министры урынбасары Алексей Волин катнаша.

«Киңәшмәдә цифрлы телевидениегә күчүнең вакыты, социаль якланганлык, челтәрләрне көйләү, урнаштыруга бәйле мәсьәләләр күтәреләчәк. Бу җәһәттән сораулар бик күп: ничек тоташтырырга, нинди приставка, нинди антенна кирәк. Шунлыктан безнең июнь аена кадәр халыкка тиешле мәгълүмат бирү, барлык мәсьәләләрне җентекләп тикшерү бурычы тора», - дип искәртте Владимир Якимов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10