ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Мәдәният

Казанда яңа заманча музыка ансамбленең презентация кичәсе узачак

5 декабрь 2018, 11:50

Программада Казан яшь композиторларының өр-яңа әсәрләре яңгыраячак.

(Казан, 5 декабрь, “Татар-информ”, Айдар Әхмәдиев). 10 декабрь 18:00 сәгатьтә Татарстан Республикасы композиторлары берлеге бинасында “Sofia-ensemble” исемле яңа заманча музыка ансамбленең беренче иҗат кичәсе узачак. Керү ирекле. Бу хакта кичәне оештыручылар хәбәр итә.

“Wave» исемле программада Казан яшь композиторларының өр-яңа әсәрләре яңгыраячак. Ансамбльдә – биш музыкант: флейта, кларнет, скрипка, виолончель һәм фортепиано коралларында уйнаучы Казан консерваториясе студентлары.

“Мондый музыкаль коллектив турында хыялыбыз күптәннән бар иде һәм, ниһаять, без аны тормышка ашырдык”, – диде “Татар-информ” хәбәрчесенә ансамбльнең иҗат җитәкчесе, композитор Миләүшә Хәйруллина.

"Казанда консерватория бетереп килүче яшь композиторлар, аспирантлар өчен аерым даими рәвештә эшләп килүче мәйданчыклар әз иде. Шуңа күрә безнең максат – өр-яңа классик музыканы популярлаштыру һәм яшь музыкантларга юл ачу”, - диде ул. 

Проект Россия композиторлары берлегенең яшьләр бүлеге, Россия музыка берлеге һәм София Гобәйдуллина исемендәге заманча музыка үзәге ярдәмендә эшли.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10