ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Җәмгыять

Лаешның Бима авылында су басу проблемасын хәл итү өчен 16 миллион сум акча бирелгән

5 декабрь 2018, 09:00 , Фото: laishevskyi.ru/

Лаешның Бима авылында су басу проблемасын хәл итү өчен 16 миллион сум акча бирелгән Бимада су басу зонасына 32,4 га мәйдан, 132 кеше яшәгән 90 торак йорт керә

(Лаеш, 5 декабрь, "Татар-информ", "Кама ягы"). Киләсе елда Егорьево авыл җирлегендә Бима авылында су басу проблемасын хәл итү өчен елганың төбен чистарту һәм тирәнәйтү буенча эшләр үткәреләчәк. ТР Экология һәм табигый ресурслар министрлыгы мәгълүматлары буенча бу эшкә 16,5 млн сум акча бүленгән. Бу турыда җирле басма хәбәр итә.

 Белгечләр экскаваторлар ярдәмендә елга үзәнен киңәйтәчәкләр, аннан чыккан грунт киләчәктә рекультивацияләү өчен ташыла. Ярларын ике якка да күпьеллык үлән чәчеп ныгыту планлаштырыла. Аннан соң проблемалы участокларны ташлар белән ныгытачаклар.

Бимада су басу зонасына 32,4 га мәйдан, 132 кеше яшәгән 90 торак йорт, шулай ук югары вольтлы электрүткәргеч линияләр, автоюллар, газүткәргеч һәм социаль объектлар керә.

Экологлар моның сәбәбен ярлар ишелүдә һәм суның сазлануында күрәләр. Агачлар һәм куаклар күп булу суның әкрен агуына китерә һәм торак пунктны су баса. Елга чистарту һәм төбен киңәйтү елга үзәненең су үткәрү сәләтен арттыра, су тиз алышына. Шулай итеп, Бима территориясен су басу куркынычы кими.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10