ҺАВА ТОРЫШЫ +9 oC

Яңалыклар

барлык хәбәрләр Татарстан Россия
×

Җәмгыять

Инвалид балалар арасында психик авырулар тарала

3 декабрь 2018, 15:33 , Фото: Султан Исхаков

Инвалид балалар арасында психик авырулар тарала Бер ел эчендә аларның саны 6,9 процентка арткан.

(Казан, 3 декабрь, "Татар-информ", Айдар Әхмәдиев). Татарстанда инвалид балалар һәм яшүсмерләр арасында психик авырулар саны елдан-ел арта һәм хәзерге вакытта 26,7% тәшкил итә. Бу хакта ТР Баш медик-социаль бюро җитәкчесе Ригель Низамов “Татар-информ” мәгълүмат агентлыгында узган “Татарстан республикасында инвалидлар декадасы уздыруы турында” матбугат җыелышында хәбәр итте.

“2015 елга кадәр беренче урында тумыштан ук аномалияләр һәм нерв системасы авырулары тора иде. Өч ел элек психик авырулар саны беренче урынга күчте һәм елдан-ел арта бара. Быел саны 6,9 процентка, ягъни 5284тән 5649га кадәр үсте”, - ди ул.

Республикада алар өчен 12 дәүләт реабилитация үзәге һәм 6 дәүләтнеке булмаган оешма эшли.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10