ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Кайбычта инвалидлар ункөнлеге башланды

3 декабрь 2018, 03:00

1992 елда БМО Генераль ассамблеясе 3 декабрьне Халыкара инвалидлар көне дип игълан итте.

(Кайбыч, 3 декабрь, "Татар-информ", "Кайбыч таңнары"). Кайбыч районында 1-10 декабрьдә традицион Инвалидлар ункөнлеге үтә. Бу турыда җирле басма хәбәр итә.

Быел да аның кысаларында физик яктан мөмкинлекләре чикле булучылар өчен төрле чаралар оештырыла. Декада дәвамында "Шәфкатьлелек поезды" хәйрия акциясе үткәрелә. Аның кысаларында инвалид балаларның өйләренә барачаклар.

Мәктәпләрдәге тимурчылык отрядлары һәм волонтерлар да рейдка чыга. Китапханәләрдә әдәби кунакханә һәм «Яшәү үзе батырлык» дип исемләнгән китап күргәзмәләре эшли. Картлар һәм инвалидлар интернат-йортында инвалидларның хокуклары буенча бушлай юридик ярдәм күрсәтелә.

"ЭКО" мәктәптән тыш эшләр үзәге хезмәткәрләре биредә иҗади эшчәнлек буенча мастер-класс күрсәтәчәк. Әлеге үзәкнең "Әкият" курчак театры инвалид балалар өчен "Каз бәбкәсе" спектаклен әзерләгән. Башка шәһәр һәм авыллардагы интернат-йортларда яшәүче якташларыбызның да хәлен белү планлаштырыла.

Күркәм традиция буенча, быел да инвалид бала тәрбияләүче әниләрне район үзәгендәге кафега җыялар. Ул район башлыгы Альберт Рәхмәтуллин катнашында уза. 

1992 елда БМО Генераль ассамблеясе 3 декабрьне Халыкара инвалидлар көне дип игълан итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10