ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Икътисад

Үзәк Банк кредит бирүне катгыйландырырга ниятли

2 декабрь 2018, 14:18 , Фото: архив/Михаил Захаров

Үзәк Банк кредит бирүне катгыйландырырга ниятли
Киләсе елның октябреннән банкларга клиентларның керемен исәпкә алырга һәм башка бурычлары барлыгын белергә туры киләчәк.

(Казан, 2 декабрь, “Татар-информ”). 2019 елның 1 октябреннән 10 меңнән артык кредит биргәндә Үзәк Банк таләбе буенча клиентларның керемен һәм башка бурычлары барлыгын исәпкә алачак. Бу хакта Россия Банкына сылтама белән “Известия” газетасы яза.

Банклар кредит алырга теләүчеләрдән документ кына сорамаячак, ә аларны тикшерәчәк тә. Хәзерге вакытта керемнәр турында мәгълүматларны ипотека, автокредит яки зур куллану кредиты кебек зур ссуда алганда гына тикшерәләр.

Шулай да, 2020 елның октябренә кадәр 50 мең сумга кадәр һәм автокредитлар өчен займнарны гадиләштерелгән тәртиптә бирү сакланачак. Банклар клиент үзе биргән мәгълүматларга гына таянып эш итәчәк.

Экспертлар фикеренчә, яңалык гражданнарның кредитка бәйлелек дәрәҗәсен киметәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10