ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Җәмгыять

Онкологлар Татарстанда рак белән авыру һәм үлү очраклары санын әйтте

2 декабрь 2018, 11:25 , Фото: Валерия Белова

Онкологлар Татарстанда рак белән авыру һәм үлү очраклары санын әйтте Авыру һәм үлем күрсәткечләре Россия буенча уртача саннардан түбәнрәк.

(Казан, 2 декабрь, «Татар-информ», Валерия Белова). Татарстанда онкология белән авыру һәм үлем күрсәткечләре Россия буенча уртача саннардан түбәнрәк булган. Бу турыда Республика клиник онкология диспансерының баш табибы урынбасары Владимир Жаворонков сөйләде.

“Үлем буенча Татарстан Идел буе федераль округы һәм Россия Федерациясе белән чагыштырганда түбән дәрәҗәдә. Шул ук вакытта рак белән авыру очраклары ил һәм гомумән ИФО буенча бераз түбәнрәк. Бу алга таба эшләү өчен сәбәп”, - диде онколог.

2017 ел мәгълүматлары буенча Татарстанда рактан үлүчеләр саны 100 мең халыкка 189 кеше, ә Россия буенча 100 мең халыкка 197 кеше туры килә.

Бүген Казанда иҗтимагый совет утырышында Татарстанда онкология ярдәменә кагылышлы сораулар һәм проблемалар буенча фикер алыштылар.

Онкологлар ТР Сәламәтлек саклау министры Марат Садыйков, РФ Дәүләт Думасы депутаты Айрат Фәррахов һәм Казан шәһәре Думасы депутаты Рафаэль Шәвәлиев белән онкология авыруларына каршы көрәш программасы, кадрлар әзерләү һәм балалар гематологиясе мәсьәләләре турында сөйләштеләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10