ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Синоптиклар Татарстанда киләсе атнада бераз җылытачак дип фаразлый

29 ноябрь 2018, 21:29 , Фото: архив

Синоптиклар Татарстанда киләсе атнада бераз җылытачак дип фаразлый Республика метеорологлары атмосфера басымы тирбәнешләре турында кисәтә.

(Казан, 29 ноябрь, “Татар-информ”). Чагыштырмача җылылык Татарстанга киләсе атнада килә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Иртәгә, 30 ноябрьдә, республикадан җылы атмосфера фронты уза. Кайбер районнарда кар явачак, юлларда бозлавык хасил була. Кичен һәм төнлә 16 градус салкын, иртәнге якта -11 градус (көньякта -16 градус) булачак. Көндез һава температурасы -5 градустан -9 градуска кадәр салкын күзәтелә.

1 декабрьдә Татарстанда явым-төшем күзәтелми. Төнлә -14 градус (көньякта аязганда- 19 градус) салкын, көндез бераз җылырак, -6, -11 градус салкын көтелә.

2 декабрь чагыштырмача салкын булачак. Төнлә -18 градус (урыны белән – 24 градус), көндез исә -8 градустан -13 градуска кадәр салкын булачак.

Киләсе атна башында кар явачак һәм чагыштырмача җылытачак. Төнлә -10 градус, көндез 0 градустан -5 градуска кадәр салкын булуы фаразлана.

Татарстан синоптиклары атмосфера басымы тирбәнешләре турында кисәтә: 30 ноябрьдә һәм 1 декабрьдә басым интенсив үсештә булачак, аннан акрынлап кими.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10