ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада “Лента” кибетен баскан егетне росгвардиячеләр тоткарлаган

29 ноябрь 2018, 20:08

Карак Лесная урамындагы гипермаркеттан товарлар алып чыгарга маташкан, әмма ерак китә алмаган.

(Казан, 29 ноябрь, “Татар-информ”). Түбән Камада росгвардиячеләр “Лента” кибетен баскан егетне тоткарлаган. Бу хакта ведомствоның матбугат хезмәте хәбәр итә.

Кич белән шәһәрнең ведомстводан тыш сак хезмәтенә Лесная урамындагы гипермаркеттан сигнализация хәбәре килгән. Урынга оператив рәвештә тоткарлау экипажы барып җиткән.

Кибетнең куркынычсызлык хезмәте хезмәткәрләре бер егет урлауга каршы җайланма аша чыкканда тавыш сигналы булуын әйткән. Кибет сакчысы каракны тоткарламакчы булган, әмма ул качып өлгергән. Сакчылар егетне тасвирлап биргән.

Каракны гипермаркет парковкасында тоткарлаганнар. 1600 сумлык урланган әйберләрен алып, үзен полицейскийларга тапшырганнар. Әлеге факт буенча “Талау” маддәсе нигезендә җинаять эше кузгатылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10