ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Сәясәт

Рөстәм Миңнеханов Татарстан белән Уэльс арасында элемтәләрне үстерергә тәкъдим итте

27 ноябрь 2018, 09:20 , Фото: president.tatarstan.ru

Рөстәм Миңнеханов Татарстан белән Уэльс арасында элемтәләрне үстерергә тәкъдим итте Татарстан Президенты эш сәфәре белән Бөекбританиядә.

(Казан, 27 ноябрь, «Татар-информ»). Татарстан Президенты Рөстәм Миңнеханов Уэльсның беренче министры Каруин Джонска Татарстан һәм Уэльс арасында элемтәләрне үстерү өчен эшче төркем төзергә тәкъдим итте. Татарстан Президенты эш сәфәре белән Бөекбританиядә. Бу хакта ТР Президентының матбугат хезмәте хәбәр итә.

«Ул ике яклы элемтәләр өчен өстенлекләр һәм мәнфәгатьләрне билгеләү максатыннан эшче төркем төзергә тәкъдим итте, шулай ук эшлекле сәфәрләр оештыру мөмкинлеге турында искәртте», - диелә матбугат хезмәте хәбәрендә.

Рабочий визит Президента РТ Р.Н.Минниханова в Соединенное Королевство Великобритании и Северной Ирландии.

Рөстәм Миңнеханов билгеләп үткәнчә, мондый адым киләчәктә уртак эшчәнлек өчен яхшы этәргеч булачак.

«Без ике арада мөнәсәбәтләр урнаштыруга карата кызыксыну белдерәбез. Төбәкләр дәрәҗәсендә тагын да уңышлырак эшли алыр идек дип уйлыйм», - диде республика Президенты очрашу барышында.

Уэльсның беренче министры республиканың икътисад һәм сәнәгать өлкәсендәге казанышларын югары бәяләп, эшче төркем төзү турындагы тәкъдимне хуплады.

Рабочий визит Президента РТ Р.Н.Минниханова в Соединенное Королевство Великобритании и Северной Ирландии.

Моңа кадәр Рөстәм Миңнеханов Британия парламентарийлары белән очрашып, аларга Татарстанның икътисади потенциалы хакында сөйләде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10