ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Җәмгыять

Айрат Хәйруллин: Миңа Тукай исеме якынрак

26 ноябрь 2018, 16:44 , Фото: архив/Рамиль Гали

Айрат Хәйруллин: Миңа Тукай исеме якынрак “Тукай ул – татар халкының йөрәге, җаны”, - ди Дәүләт Думасы депутаты.

(Казан, 26 ноябрь, “Татар-информ”, Гөлнар Гарифуллина). Россия Федерациясе Дәүләт Думасы депутаты, эшмәкәр, дәүләт эшлеклесе Айрат Хәйруллинга “Казан” аэропортына исем кандидатлары арасында Габдулла Тукай исеме якынрак. Бу хакта ул “Татар-информ” хәбәрчесенә әйтте.

“Мин үзем Тукайга тавыш бирдем. Бу кемнең нәрсә уйлавыннан да тора. Менә без балачактан Тукай әкиятләрендә, аның шигырьләрендә үскән. Миңа шуңа күрә Тукай исеме якынрак. Гәрчә башка фамилияләр дә лаеклы, ләкин мин Тукайны сайладым”, - ди депутат.

“Тукай – татарның Пушкины бит ул. Тукай шигырьләрен белмәгән бер татар да юктыр. “Туган тел” – мәктәптә беренче итеп өйрәнгән шигырьләрнең берсе. Тукай ул – татар халкының йөрәге, җаны”, - диде Айрат Хәйруллин.

Аэропорт исеменә тавыш бирүне 30 ноябрьгә кадәр берничә ысул белән эшләргә мөмкин:
1. ВеликиеИмена.рф сайтында. Моның өчен Вконтакте, Одноклассники сайтларындагы аккаунт яки мобиль телефон номеры аша авторизация үтеп, Татарстандагы бер аэропортка тавыш бирергә кирәк. Бер генә исемгә тавыш бирергә була.
2. «ВКонтакте» һәм «Одноклассники» социаль челтәре аша.
3. 8-800-707-93-17 номерына шалтыратып.
4. Очкыч бортында, аэропортлардагы пунктларда анкета тутырып.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10