ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Сәясәт

Россия Хезмәт министрлыгы: Хатын-кызлар декрет ялы чорында өстәмә белем алырга мөмкин

25 ноябрь 2018, 12:33

2020 елдан башлап биш ел дәвамында һәр елны 38,5 – 49 мең хатын-кызны бала ялы вакытында яңадан укыту планлаштырыла.

(Казан, 25 ноябрь, “Татар-информ”). Россия Хезмәт һәм социаль яклау министрлыгы биш ел дәвамында 250 мең хатын-кыз декрет чорында түләүсез яңа һөнәргә өйрәнә яки квалификациясен күтәрә ала, дип белдерә. Аның өчен Эш белән тәэмин итү үзәклренә мөрәҗәгать итү кирәк. Бу хакта ТАСС хәбәр итә.

“Күрсәтелгән чара биш ел дәвамында (2020 — 2024) тормышка ашырылачак. һәр елны 38,5 – 49 мең хатын-кызны өч яшькә кадәрге бала тәрбияләү чорында яңадан укыту яки квалификациясен күтәрү планлаштырыла”, - дип китерә агентлык Россия ведомствосы вәкиле сүзләрен.

Әлеге чараны “Демография” илкүләм проекты кысаларында оештыру планлаштырыла. Ведомствоның матбугат хезмәтендә соңгы елларда илдә балалы гаиләләргә яңа дәүләт ярдәме чаралары кертелүе хакында әйтелгән.

Социаль иминият фонды мәгълүматлары буенча, узган ел бала тәрбияләү буенча ялда 1,1 млн хатын-кыз булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10