ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

«Интертат» электрон газетасы «Татарча лайфхак» проектын тәкъдим итте

24 ноябрь 2018, 13:54 , Фото: Илгиз Шәкүров

«Интертат» электрон газетасы «Татарча лайфхак» проектын тәкъдим итте Бу проектта татар халкы белән бәйле лайфхаклар тәкъдим ителәчәк.

(Казан, 24 ноябрь, "Татар-информ"). «Интертат» электрон газетасы «Татарча лайфхак» проектын тәкъдим итте. «Лайфхак» сүзен татарчага «файдалы киңәш» дип тәрҗемә итеп була. Бу проект кысаларында укучыларга татар халкы белән бәйле лайфхаклар тәкъдим ителәчәк. Алар видео форматында булачак.

«Татарча лайфхак»ның беренче чыгарылышы гади, әмма бик кирәкле: чәкчәк пешерү. Проект авторларының берсе, журналист Илгиз Шәкүров сүзләренә караганда, алдагы чыгарылышларда да татарлыкка басым ясалачак. Мәсәлән, татарча биергә, татар калфагы тегәргә өйрәтәчәкләр. Шулай ук татар халкының йолаларына да тукталачаклар.

«Тел яшәсен өчен ул кулланылышта булырга тиеш. Хәзер интернет заманы. Димәк, татар теле интернетта да булырга тиеш. Кызганычка, әлегә интернетта татар телендә сыйфатлы контент бик аз. Видео форматында лайфаклар әзерләп, без бу проблеманы хәл итүгә үз өлешебезне кертәбез», - дип белдерде Илгиз Шәкүров.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10