ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Татар дөньясы

Ринат Закиров: Аэропортка Тукай исеме бирелүе татар милләтенә зур көч бирәчәк

17 ноябрь 2018, 15:02 , Фото: архив/Салават Камалетдинов

Ринат Закиров: Аэропортка Тукай исеме бирелүе татар милләтенә зур көч бирәчәк
Ул тавыш бирү нечкәлекләрен халыкка аңлату кирәклеген әйтте.

(Казан, 17 ноябрь, "Татар-информ", Гөлнар Гарифуллина). Бөтендөнья татар конгрессы Башкарма комитеты җитәкчесе Ринат Закиров фикеренчә, "Казан" аэропортына Тукай исеме бирелүе татар милләтенә зур көч бирәчәк. Бу хакта ул "Татар-информ" хәбәрчесенә әйтте.

"Тукай исеменең әһәмияте зур. Татар милләтенең визит карточкасы ул. Әлбәттә, Тукай – милләтебез өчен берләштерүче шәхес, милли рухны саклаучы да. Аэропортка Тукай исеме бирелсә, бу татар милләтенә зур көч бирәчәк", - ди Ринат Закиров.

Ул Тукай өчен тавыш бирергә әле вакыт җитәрлек булуын әйтте. "Тавыш бирергә бөтен халкыбызны өндәргә кирәк. Без дә шул мәсьәлә белән шөгыльләнәбез – шунсыз булмый. Тавыш бирү нечкәлекләрен халкыбызга аңлатырга кирәк. Бөек Тукай исемен бирүгә бөтен кавемебез белән ябырылырга кирәк", - диде.

Аэропорт исеменә тавыш бирүне 30 ноябрьгә кадәр берничә ысул белән эшләргә мөмкин:
1. ВеликиеИмена.рф сайтында. Моның өчен Вконтакте, Одноклассники сайтларындагы аккаунт яки мобиль телефон номеры аша авторизация үтеп, Татарстандагы бер аэропортка тавыш бирергә кирәк. Бер генә исемгә тавыш бирергә була.
2. «ВКонтакте» һәм «Одноклассники» социаль челтәре аша.
3. 8-800-707-93-17 номерына шалтыратып.
4. Очкыч бортында, аэропортлардагы пунктларда анкета тутырып.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10