ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Мәдәният

Казанда ябылган предприятиеләрнең музейларын бердәм экспозициягә берләштерәчәкләр

13 ноябрь 2018, 10:00

Экспонатларны Татарстан башкаласы гына түгел, республика районнары музейларыннан да җыю күздә тотыла.

(Казан, 13 ноябрь, «Татар-информ»). Казанда ябылган предприятиеләрнең музейларын бердәм экспозициягә берләштерәчәкләр. Бу хакта мэриянең матбугат хезмәте хәбәр итә.

«Предприятиеләр ябылу сәбәпле, үз эшчәнлеген туктаткан музейларны сакларга һәм бердәм экспозициягә берләштерергә кирәк», - дигән әлеге уңайдан Казан мэры Илсур Метшин.

Экспонатларны Татарстан башкаласы гына түгел, республика районнары музейларыннан да җыю күздә тотыла.

Мэр фикеренчә, кызыклы экспозицияләрне сакларга һәм аларның гомумиләштерелгән вариантын тәкъдим итәргә кирәк.

Әлеге максаттан чыгып, шәһәр башлыгы район башлыкларына һәм Башкарма комитет җитәкчесенең социаль мәсьәләләр буенча беренче урынбасары Рөстәм Гаффаровка алга таба берничә музейны берләштерү турында тәкъдимнәр әзерләргә йөкләмә биргән.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10