ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Спорт

Әгерҗенең “Спутник“ командасы мини футбол ярышларында беренче урынны алды

10 ноябрь 2018, 07:00 , Фото: agryz-rt.ru/

Әгерҗенең “Спутник“ командасы мини футбол ярышларында беренче урынны алды Әгерҗе футболчылары Кубок, медальләр һәм Грамоталар белән бүләкләнде.

(Әгерҗе,  ноябрь, "Татар-информ", "Әгерҗе хәбәрләре", Миләүшә Ягъфәрова). 16 районнан килгән футболчылар “Олимп“ спорт комплексында өч көн дәвамында мини футбол буенча республика беренчелеге ярышларында сыналдылар.Бу турыда җирле басма хәбәр итә.

Казан, Баулы, Әлки, Арча, Актаныш, Мамадыш, Зәй, Менделеев, Минзәлә, Норлат, Алабуга һәм башка командалар белән бергә Әгерҗедән тренерлар Алексей Колчин һәм Илдар Идиятов кул астында шөгыльләнүче 2009-2010 елгы малайлар да футбол кырына чыктылар.

Балалар-яшүсмерләр спорт мәктәбенең “Спутник“ командасы, өч көндә ун уенда җиңеп, финалга барып җитте. Хәлиткеч ярышта Әгерҗе футболчыларына Казанның Вахитов районы командасы белән көч сынашырга туры килде.

Әмма башкалабыздан килгән спортчыларга да әгерҗелеләргә бирелергә туры килде. Җиңүгә омтылышлары көчле булган “Спутник“ уенчылары 2:1 исәбе белән көндәшләрен җиңде. Әгерҗе футболчылары Кубок, медальләр һәм Грамоталар белән бүләкләнде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10