ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Хәвеф-хәтәр

Казанда каравылчы будкасында ир-ат янып үлгән

9 ноябрь 2018, 15:46 , Фото: ГУ МЧС России по РТ

Казанда каравылчы будкасында ир-ат янып үлгән Янгын 9 ноябрьдә төнлә Казанның Юдино бистәсендә булган.

(Казан, 9 ноябрь, «Татар-информ»). Казанда Юдино бистәсендә автостоянкада  урнашкан каравылчы будкасында бер ир-ат янып үлгән. Бу турыда Россия Гадәттән тыш хәлләр министрлыгының ТР буенча баш идарәсе матбугат хезмәте хәбәр итә.

9 ноябрьдә Юдинодагы Тимер юлчылар урамында янгын чыккан. Бу турыда ашыгыч хезмәтнең 112 бердәм номерына хәбәр иткәннәр. Һәлакәт урынына 60 нчы номерлы янгын сүндер-коткару часте хезмәткәрләре барган. 

Янгын сүндерүчеләр килгәндә автостоянкада урнашкан каравылчы будкасын янгын тулысынча чорнап алган. Янгынның якында гына торган чит ил машинасына күчү куркынычы булган.

Утны тиз арада сүндергәннәр. Будка эчендә идәндә ир-ат мәете табылган. Аның шәхесе һәм янгын чыгу сәбәпләре ачыклана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10