ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Мөслим районында яңа җитәкчеләр билгеле булды

9 ноябрь 2018, 03:00

Мөслим авыл җирлеге башкарма комитеты җитәкчесе итеп Рунар Сәхбетдинов сайланды.

(Мөслим, 9 ноябрь, "Татар-информ", "Авыл утлары"). Өченче чакырылыш Мөслим муниципаль район Советының XXIX cессиясе үтте. Анда яңа җитәкчеләр билгеле булды. Бу турыда район басмасы хәбәр итә.

Сессиянең көн тәртибендәге беренче мәсьәлә Мөслим муниципаль районы Башкарма комитеты җитәкчесенең вазыйфаларын вакытыннан алда туктатуы турында иде. Моңа кадәр Башкарма комитеты җитәкчесе вазыйфаларын башкарган Алмаз Хамматовның гаризасы канәгатьләндерелде.

Көн тәртибендәге икенче мәсьәлә Мөслим муниципаль районы башкарма комитеты җитәкчесе вазыйфаларын йөкләү турында булып, әлеге вазыйфаны вакытлыча башкаручы итеп аның урынбасары Илнур Әхмәтов билгеләнде.

Мөслим авыл җирлеге башкарма комитеты җитәкчесе итеп Рунар Сәхбетдинов сайланды. Башкарма комитет җитәкчесе булып торган Марат Шәймөхәммәтов башка эшкә күчте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10