ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Икътисад

Казан, Әлмәт һәм Лаеш социаль-икътисади үсеш рейтингында алда бара

8 ноябрь 2018, 15:57

Татарстанда быел 1 октябрьгә теркәлгән эшсезлек дәрәҗәсе 0,49 процентны тәшкил итә.

(Казан, 8 ноябрь, «Татар-информ»). Татарстанда 2018 елның гыйнвар — сентябрь айларында муниципалитетлар социаль-икътисади үсеш рейтингында Казан, Әлмәт һәм Лаеш алда бара. Статистиканы Татарстан Икътисад министрлыгы экспертлары әзерләгән.

Чүпрәле районы рейтингта 10нчы баскычка күтәрелгән. Сигезенче урында - Кайбыч, Әлки һәм Алабуга районнары - алтынчы урында.

Районнарда эшсезлек кимегән һәм төп капиталга инвестицияләр күләме арткан. Моннан тыш, файдалануга тапшырылган торак йортлар мәйданы арткан.

Татарстанда быел 1 октябрьгә теркәлгән эшсезлек дәрәҗәсе 0,49 процентны тәшкил итә. Актаныш, Кайбыч, Лаеш районнарында бу күрсәткеч иң түбән дәрәҗәдә.

Республикада 2018 елның тугыз аенда кеше башына 0,44 квадрат метр торак мәйдан файдалануга тапшырылган. Әлеге күрсәткеч буенча Питрәч, Тукай һәм Лаеш районнары алда бара.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10