ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда 21 яшьлек кыз анасын үтерүдә шикләнелә

7 ноябрь 2018, 15:53

Фаҗига узган дүшәмбе Әлмәттәге күпкатлы йортның фатирында булган.

(Казан, 7 ноябрь, «Татар-информ»). Татарстанның Әлмәт шәһәрендә яшәүче 21 яшьлек кыз анасын үтерүдә шикләнелә. Бу турыда Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Тикшерү буенча, 5 ноябрьдә Әлмәтнең Җәлил урамындагы фатирда яшәүче исерек 44 яшьлек хатын үз кызына әхлаксыз яшәү рәвеше алып баруы турында әйтә башлаган. Кыз анасына күп тапкыр пычак белән кадаган.

Хатын-кыз алган җәрәхәтләреннән һәлакәт урынында үлгән.

Тикшерү ачыклаганча, вафат булган ханым кызы тууга төрмәгә эләккән, ә кызны балалар йортына биргәннәр. Соңрак ана белән кыз бергә яши башлаганнар. Шикләнелгән кыз еш кына өйдә кунмаган. Бу гамәле анасына һич тә ошамаган.

Кыз үз гаебен өлешчә генә таныган. Аңа «Үтерү» маддәсе буенча гаепләү белдерелгән. Кызны Тикшерү изоляторына урнаштырганнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10