ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Фән һәм мәгариф

Мәскәүдә федераль министрлыклар белән узачак форумда туган телләр темасы күтәреләчәк

7 ноябрь 2018, 14:10

Федераль ведомство вәкилләре һәм төбәк җитәкчеләре 16 ноябрьдә конференциядә илдәге тел сәясәте турында фикер алышачак.

(Казан, 7 ноябрь, «Татар-информ»). Мәскәүдә 16 ноябрьдә «Тел сәясәте: гомумроссия экспертизасы» форумында туган телләр һәм рус теле турында сөйләшү төп тема булачак. Бу хакта чараны оештыручы Милләтләр эше буенча федераль агентлык сайтында хәбәр ителә.

Быелгы форум Россия халкын берләштерүче, милләтара аралашу теле булган туган телләргә һәм рус теленә багышланачак. Форумга Россия мәгариф министры Ольга Васильева, Россия фән һәм югары белем бирү министры Михаил Котюков, төбәк җитәкчеләре, Дәүләт Думасы депутатлары һәм башка рәсми кешеләр чакырылган.

Форумда өч секция эшчәнлегенең берсе Россия халыклары туган телләренә багышлана.

Конференция 16 ноябрьдә Мәскәү үзәгендә, Россия Сәүдә-сәнәгать палатасында узачак.

Милли республикаларда телләрне өйрәнү темасы янәдән актуаль. Россия Президенты Владимир Путин августта тиешле законны имзалады.

Аның нигезендә балалар һәм әти-әниләре Россия халыклары телләреннән, шул исәптән рус телен дә, мәктәптә өйрәнү өчен туган тел итеп сайлый алалар.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10