ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Татар дөньясы

Пенза халык театры төбәкара фестивальдә "Банкрот"ны күрсәткән

7 ноябрь 2018, 10:51

Жюри, чыгышны югары бәяләп, режиссерны һәм иң яхшы ир-ат ролен башкаручыны бүләкләгән.
(Казан, 7 ноябрь, "Татар-информ"). Пензаның Гафур Коләхмәтов исемендәге халык театры "Чудное мгновение" төбәкара театрлар фестивалендә катнашкан. Тамашачыларга алар Г.Камал әсәре буенча куелган "Банкрот" спектаклен тәкъдим итте, дип яза җирле татарлар автономиясе. 
 
Актерлар чыгышына тамашачылар һәм Губернатор симфония акапелласы солисты Гөлсинә Рафикова бәя биргән. 
фото: tatar-penza.ru
 
Нәтиҗәдә, спектакльнең режисеры Равил Исхаков милли төсмерләрне саклауда үз өлешен керткән өчен Диплом белән бүләкләнгән. Хәмзә Васильев исә өлкән төркемдә иң яхшы ир-ат ролен башкаручы дип табылган. 
 
  • Пензада халык театры быелның язында эшли башлады. Алар иң беренче булып Г.Камалның "Банкрот" әсәрен сәхнәләштерде. Спектакльне төбәктә яшәүче татарлар халык театрының беренче гастрольләре барышында тамаша кыла алды.  

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10