ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Икътисад

Октябрь аенда азык-төлеккә бәяләр 0,6 процентка арткан

6 ноябрь 2018, 17:27

Шул ук вакытта яшелчә, җиләк-җимеш арзанайган.

(Казан, 6 ноябрь, “Татар-информ”). Дәүләт федераль статистика хезмәте октябрь аенда йомыркага, шикәр, тары ярмасына бәяләр артуын билгеләгән. Бу хакта РИА Новости хәбәр итә.

Шул ук вакытта яшелчә, җиләк-җимешнең күбесенә, яңа өлгергән помидор белән кыярдан кала, бәяләре төшкән, диелгән ведомство статистикасы хәбәрендә.

Дәүләт федераль статистика хезмәте мәгълүматлары буенча, сентябрь белән чагыштырганда, октябрь аенда азык-төлеккә бәяләр 0,6 процентка арткан.

“Бигрәк тә шикәргә һәм йомыркага бәяләр артты. Россия төбәкләренең күпчелегендә бәяләр арту күзәтелә”, - диелгән хәбәрдә. 

Шулай итеп, октябрь аенда Россиянең 19 төбәгендә йомырка 10 процентка кыйммәтләнгән. Тары ярмасына бәя 10,2 процентка, кош итенә 2,9 процентка,солы һәм арпа ярмаларына 2,5 процентка артка.

Манный ярмасы 1,3 процентка, бодай оныннан икмәк 1,1 процентка, балык 1,7 процентка, сөт 1 процентка кыйммәтләнгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10